Andrew Tate point a gun for one woman face and say “you go do as I say or e go get hell to pay”, according to one of four UK women wey sue di influencer and self-proclaimed misogynist.
Dem describe di allegation for court documents wey di BBC see, wey also contain detailed accounts of rape, assault and coercive control.
One woman claim say Tate threaten to kill her, anoda one say e make am clear say e go kill anyone wey speak to her, and a third woman claim say Tate convince her e don kill oda pipo.
Tate don deny di claims for a written defence wey e submit to di High Court, calling dem a “pack of lies” and “gross fabrications”.
Separately, Tate kontinu to face serious legal challenges for three kontris – a mixture of civil and criminal claims for di UK, US and Romania.
Dis civil case concerns incidents di four women allege say e take place for Luton and Hitchin between 2013 and 2015.
Two of di women work for Tate webcam business for 2015, while di oda two dey in relationships wit am for 2013 and 2014.
Di BBC don previously speak to two of di claimants about dia alleged experiences wit Tate as part of a Panorama documentary broadcast for September 2024.
Howeva, dis na di first time di full extent of di women allegations dey revealed.
Warning: Dis article contain strong language and details of alleged violence and sexual assault wey fit worry you
Some of di allegations for di documents wey di BBC see include say Tate:
.Rape and strangle (press neck) a woman wey dey work for im webcam business for 2015
.Assault anoda woman wey dey also work for im webcam business at di same time
.Strangle both of di above women so often dat dem develope red petechiae – spots from burst capillaries – for dia eyes, a common side effect of asphyxia
Tell a third claimant “I just dey debate weda to rape you or not” bifor e rape and strangle her
Strangle a fourth claimant, who e dey call Sienna, during sex until she lose consciousness, and den kontinue to get sex wit her
Three of di women bin previously report Tate to di police but for 2019, di Crown Prosecution Service (CPS) decide not to bring criminal charges. Dem now dey seek damages “arising from di assaults, batteries, and infliction of intentional harm”, dia civil claim tok.
Tate deny all di allegations, and argue say di women no fit now take legal action against am becos too much time don pass, and emails, texts, and oda potential evidence go don lost. A preliminary hearing for di case dey due to take place for 15 April.
“Sienna”, di fourth woman wey dey involve for di civil case, no be part of di group wey report Tate to di police.
She tell di BBC say wen she sleep wit Tate, di sex na initially consensual.
“But den, during sex, e start to strangle me. I pass out, and e carry on to dey have sex wit me,” she tok.
Tate deny say e strangle Sienna, and dat lost consciousness due to strangulation, adding say e “fit don put a hand on her neck but no restriction of her breathing”.
For her claim wey she submit to di court, Sienna also describe an alleged incident at Tate flat for late 2014, wia she see a gun on im sofa. She say she “no know if na real or a fake one”.
For im s written defence, Tate say “dia fit be a toy gun in di flat but di 4th Claimant [Sienna] neva say anytin about am”.
“I no really mention to am or anytin,” Sienna tell di BBC. “But I distinctly rememba say e dey dia and I bin dey a bit freaked out by am, becos no be sometin you really see for di UK.”
She add say she tink say e go be “a bit strange for a fully grown man to get a toy gun”.
For di court documents anoda claimant, refer to as AA, allege say Tate threaten her wit a gun for her face while swearing, calling imself “a boss” and a “G” and adding: “You go do as I say or dia go be hell to pay.” Tate deny say dis no happun, e write for im defence sya e only start calling imself “Top G” for recent years.
AA say Tate “threaten [her] daily” while she dey work for am in 2015, and describe two alleged incidents wia e “grabd her by her throat and pin her up against di wall, so she dey unable to move”.
Tate also deny AA claim say e threaten her and grab her by di neck.
Anoda claimant, BB, allege say Tate “make am veri clear say she be for am, and if anyone else speak to her, e go kill dem”.
BB written claim describe her say she dey “forced to barricade herself inside di bathroom while di Defendant [Tate] threaten to ‘beat di shit out of’ her”.
Tate deny dis allegation, and describe im relationship wit BB as “loving and affectionate until shortly bifor she stop to dey work for di business”.
All four women say dem develop long-term mental health problems as a result of dia alleged experiences wit Tate.
Lawyer Matt Jury of McCue Jury & Partners, wey dey represent di women, tell di BBC im clients dey “denied of justice by di police and CPS, while watching Andrew Tate influence grow”.
“Dem dey left wit no oda choice but to bring dia case for di High Court to finally bring Tate to account,” e say.
Di women claim against Tate na one of several serious legal challenges around di world wey e dey fight, including some wia e dey co-accused wit im brother Tristan Tate.
Dem dey currently face a mix of criminal and civil legal action for three kontris- di UK, di US and Romania.
For Romania, dem dey face allegations wey include human trafficking, trafficking of minors and money laundering. Andrew Tate also face allegations of rape.
Dem also dey under criminal investigation for di US state of Florida. Andrew Tate say dat di US authorities dey “try to find crimes on an innocent man”.
Andrew Tate ex-girlfriend Brianna Stern also file a lawsuit for Los Angeles last month, to accuse am of sexual assault, battery and gender violence.
Last year, di brothers dey detained for Bucharest afta Bedfordshire Police for di UK say e don obtain an arrest warrant in relation to allegations of rape and trafficking dating back to between 2012 and 2015.
Di two brothers deny all accusations against dem.
A travel ban imposed on di brothers for Romania dey recently lifted, and dem don travell to di US and Dubai since den- sometin Sienna tok say e dey “horrible to see”.
“Maybe men go look am and tink, ‘oh well if e fit get away wit dat, den so I fit’ – and e ft make am dey normalised,” she tell di BBC.
Sienna add say she tink di UK gatz be “pushing a lot harder” for di extradition of di Tate brothers.
None of di brothers don dey convicted of any crimes.